Maxfiylik siyosati

Qisqacha

Saytdan foydalanish uchun roʻyxatdan oʻtish shart emas. Faqat joy egalari (mehmonxona va restoran egalari) oʻz joyi maʼlumotini yangilash va uning statistikasini koʻrish uchun kabinetda roʻyxatdan oʻtishi mumkin. Reklama yoki uchinchi tomon kuzatuv skriptlari ishlatilmaydi.

Server texnik jurnallarida (IP manzil, sahifa, vaqt, brauzer turi) maʼlumot xavfsizlik va xatolarni tuzatish uchun qisqa muddat saqlanadi.

Xarita plitalari OpenFreeMap serveridan yuklanadi — xarita ochilganda brauzeringiz unga soʻrov yuboradi.

Tanlangan mavzu (yorugʻ/qorongʻi) faqat brauzeringizda (localStorage) saqlanadi.

Joy egalari kabineti

Kabinetda roʻyxatdan oʻtgan joy egasidan telefon raqami, ism va (ixtiyoriy) email olinadi; parolning oʻzi saqlanmaydi — faqat uning kriptografik xeshi. Kirish vaqti, IP manzil va qurilma turi hisob xavfsizligi uchun saqlanadi.

Kabinet uchun ikkita zarur cookie ishlatiladi: «alluz_own» (kirgan sessiya, 30 kun) va «alluz_kab_pre» (kirish formasini soxta soʻrovlardan himoya qilish). Ular kuzatuv uchun emas.

Egasi yuborgan maʼlumot va soʻrovlarni faqat sayt administratori koʻradi va tasdiqlaydi; telefon raqami saytda chiqmaydi va uchinchi shaxslarga berilmaydi. Hisobni oʻchirishni soʻrasangiz, u barcha soʻrovlar va sessiyalar bilan birga oʻchiriladi (tasdiqlangan joy maʼlumoti saytda qoladi).

Tashriflar statistikasi

Saytni yaxshilash uchun tashriflar statistikasini alluzbekistan.com serverining oʻzida yuritamiz. Bunda quyidagilar yigʻiladi:

• qaysi sahifalar ochilgani, saytga qayerdan kelingani (masalan, Google, Telegram yoki Instagram), sahifada qancha vaqt boʻlingani va qancha qismi oʻqilgani, nima bosilgani (telefon raqami, rasmiy sayt, xaritada yoʻnalish, ulashish, surat), saytdagi qidiruvda yozilgan soʻzlar va tanlangan til;
• qurilma haqida: turi (telefon, kompyuter, planshet), operatsion tizim, brauzer, ekran oʻlchami, brauzer tili va vaqt mintaqasi;
• IP manzil va undan aniqlanadigan taxminiy joylashuv (mamlakat, viloyat, shahar). IP manzil 90 kundan keyin oʻchiriladi.

Google Analytics, Yandex Metrika kabi tashqi xizmatlar va reklama kuzatuvchilari ishlatilmaydi: maʼlumot alluzbekistan.com serveridan tashqariga chiqmaydi, sotilmaydi va uchinchi tomonga berilmaydi. Brauzeringiz «Global Privacy Control» (Sec-GPC) signalini yuborsa, cookie rad etilgan deb hisoblanadi.

Nima uchun

Qaysi maʼlumot koʻproq kerakligini, qaysi sahifada xato borligini va sayt qanday qurilmalarda ochilishini bilish uchun. Saytdagi joylar (mehmonxona, restoran va boshqalar) egalariga oʻz sahifasi necha marta koʻrilgani va qayerdan kelinganini umumlashtirilgan holda koʻrsatamiz — IP manzil, alohida tashriflar va boshqa shaxsiy maʼlumotlarsiz.

Xavfsizlik uchun: spam, soxta trafik va hujumlardan himoya.

Saqlash muddati

IP manzil va brauzerning toʻliq identifikatori (User-Agent) — 90 kun. IP manzilsiz statistika (mamlakat, qurilma, sahifalar) — 2 yil, keyin oʻchiriladi.

Joylashuv

Joylashuv IP manzil boʻyicha DB-IP bazasi yordamida alluzbekistan.com serverining oʻzida aniqlanadi — IP manzil hech qayerga yuborilmaydi. IP Geolocation by DB-IP (CC BY 4.0).

Qidiruv robotlari

Qidiruv va AI robotlari (Googlebot, YandexBot va boshqalar) odamlar statistikasiga kirmaydi: ular qaysi sahifalarni koʻrgani alohida, 1 yilgacha saqlanadi.

Cookie fayllar

Cookie — brauzeringizda saqlanadigan kichik yozuv. alluzbekistan.com quyidagilarni ishlatadi:

Rad etsangiz, alluz_v qoʻyilmaydi — tashrifingiz cookieʼsiz, har kuni alohida anonim tarzda hisoblanadi. Tanlangan mavzu (yorugʻ/qorongʻi) faqat brauzeringiz xotirasida (localStorage) saqlanadi.