Tabiat · Buxoro tumani
«Jayron» ekomarkazi
Choʻl hayvonlarini qutqarayotgan pitomnik
Tabiat · Olot tumani
Dengizkoʻl
Olot tumanidagi oqmas shoʻrtob koʻl 1973-yildan davlat buyurtma qoʻriqxonasi, 2001-yildan esa Ramsar konvensiyasi roʻyxatida — suvda suzuvchi qushlarning xalqaro ahamiyatga ega maskani.
Surat: Umid1108 · CC BY-SA 4.0 · Wikimedia Commons
Koʻl haqida
Dengizkoʻl viloyatning janubiy chekkasidagi tektonik botiqda, dengiz sathidan 181,5 metr balandda joylashgan. U kollektor-zovurlardan keladigan tashlama suvlar va sizot suvi hisobiga toʻyinadi, toʻlinsuv davrida Zarafshonning Toyqir tarmogʻi ham koʻlgacha yetib boradi. 1987-yilda koʻlning uzunligi 43,3 km, maydoni 267 km² boʻlgan. Suvi shoʻrtob, tubida osh tuzi yotqiziqlari bor.
Koʻl oʻrta asrlardan maʼlum: X asr arab geografi Ibn Havqal uni xaritada «Bahr ul-Buxoro» — «Buxoro dengizi» deb koʻrsatgan. Koʻlda pelikan, kichik qorabuzov, qoshiqburun uchraydi; qishlash uchun bu yerga 5000 tagacha xavf ostidagi oqbosh oʻrdak (savka) keladi.
Manbalar (3)
Suratlar
